Arsenali ka pësuar një disfatë tronditëse pasditen e sotme (e diele) në shtëpi nga Crystal Palace.
“Topçinjtë” u mposhtën në takimin si nikoqir në Emirates me rezultat 2 me 3 duke humbur kështu rastin për të siguruar pozitën e tretë në tabelë, shkruan portali arbresh.info.
Christian Benteke zhbllokoi shifrat në minutën e 17′ duke dërguar në avantazh mysafirët, por shifrat u barazuan nga superylli Mesut Ozil me një gol të bukur nga afërsia qysh në fillim të fraksionit të dytë të ndeshjes.
Mirëpo, Wilfried Zaha ktheu sërish epërsinë e skuadrës së tij pas një gabimi të tmerrshëm në mbrojtja nga Shkodran Mustafi para se James McArthur të realizonte me kokë për 1 me 3 në minutën e 69′.
Sulmuesi Pierre Emerick Aubameyang ngushtoi shifrat për 2 me 3 në minutën e 77′, por pavarësisht presionit të madh dhe dominimit skuadra e Unai Emery nuk arriti të gjejë golin e barazimit.
Arsenali vazhdon qëndrimin në pozitën e katërt me 66 pikë, një më pak se Tottenhami në pozitën e tretë, ndërsa Crystal Palace qëndron në pozitën e 12 me 42 pikë.
Në mungesë të Granit Xhakës, kjo është disfata e dytë e Arsenalit brenda këtij muaji pas asaj me rezultat minimal 1 me 0 kundër Evertonit./arbresh.info/
Qeveria e Serbisë miraton projektligj për juridiksion gjyqës...
Hamza në Kamenicë: Vendi ka nevojë për një lidership të ri q...
Irani ekzekuton shtetasin iraniano-gjerman pasi u dënua për ...
“Ndizet drita jeshile për rrugën e vjetër Kombinat-Ndroq-Ple...
Lamine Yamal fiton çmimin “Kopa Trophy”
Rodri flet para ceremonisë së Topit të Artë